ကမ္ဘာမြေအားအစဉ်စိမ်းလန်းစိုပြေနေစေရန်

Wild to Wise သဘာဝကျောင်းကို အမြဲတမ်းစိုက်ခင်းစနစ်(Permaculture)၏ အခြေခံစည်းမျဉ်းများ အပေါ် အခြေခံ၍ ပုံဖော်ထားခြင်းဖြစ်ပါသည်။အမြဲတမ်းစိုက်ခင်းစနစ်(Permaculture) ဆိုသည်မှာ ရေရှည်တည်တံ့သော လူသားများနေထိုင်ရာ ဖန်တီးရန်အတွက်  စနစ်တကျ စီမံဆောင်ရွက်ခြင်းပင် ဖြစ်သည်။

ယခုအခါတွင် Permaculture အခြေခံစည်းမျဉ်းကိုသာမက ပညာရေးပုံစံသစ်၊ စီးပွားရေးစနစ်၊ လူထုစွမ်းအင်အစီအစဉ် နှင့် အခြားသော အပြုသဘောဆောင်သည့် လှုပ်ရှားမှုများစွာပါဝင်သော ကျောင်းပရဝဏ်ကြီး ရှိနေပြီ ဖြစ်သည်။ဤပညာရေးပရောဂျက်ကို အကောင်အထည် ဖော်ဖြစ်ရန်အ တွက်အဓိကတွန်းအားမှာ လက်ရှိခံစားနေရသော သဘာဝပတ်ဝန်းကျင် နှင့်လူမှုရေးအကျပ်အတည်း များပင်ဖြစ်သည်။ ကျွနု်ပ်တို့ကဲ့သို့ လူမှုအဖွဲ့အစည်းများကသာ မဖြေရှင်းလျှင် ဤပြဿနာကို မည်သူမှ ဖြေရှင်းမည်မဟုတ်ပေ။

Wild to Wise သဘာဝကျောင်း၏ အမြဲတမ်းစိုက်နည်းစနစ်( Permaculture)သည် ရှုခင်းသက်သက် အတွက်သာ ဖန်တီးထားခြင်းမဟုတ်ဘဲ အခြေချနေထိုင်မှုအတွက် ပညာပေးခြင်း၊စီးပွားရေးစနစ်၊ စွမ်းအင်စနစ်၊ အညစ်အကြေးများစနစ်တကျ အသုံးချစွန့်ပစ်ခြင်းများပါ ပါဝင်ပါသည်။ ယင်းအတွက် ကြောင့်ပင် သဘာဝကျောင်းကို နေရောင်ခြည်အများဆုံးနှင့် စွမ်းအင်အများဆုံးရနိုင်မည့်နေရာတွင် စနစ်တကျ ရွေးချယ်တည်ထောင်ထားခြင်း ဖြစ်ပါသည်။ ရေအရင်းအမြစ်ထိန်းသိမ်းခြင်းနှင့် ဆောင်လုပ်ရေး ပစ္စည်းရွေးချယ်ခြင်းကအစ အထူးဂရုပြု ဆောင်ရွက်ထားရှိပါသည်။ ထွက်ရှိလာသော အော်ဂဲနစ်အညစ်အကြေးများကို ပြန်လည်အသုံးပြုပြီး ကျောင်းအတွက်လိုအပ်သော သီးနှံကို ကျောင်း တွင်းမှာပင် စိုက်ပျိုးရန် စိုက်ပျိုးခြံ အသေးစားကိုလည်း စီစဉ်ထားရှိပါသည်။ အကျိုးများသော အပင်ကြီးများစိုက်ပျိုးရေးကိုလည်း အလေးထားပြီး လေကာခြင်း၊ မြေဆီလွှာရေတိုက်စားမှုမှ ကာကွယ်ခြင်း၊ ဇီဝလောင်စာရရှိစေခြင်း စသည့်အကျိုးများလည်း ရရှိစေနိုင်မည်ဖြစ်သည်။ အတိုချုပ်ဆိုရပါမူ  သဘာဝကျောင်းသည် ကျောင်း၏နေရာတွင် ဇီဝမျိုးစုံ ထိန်းသိမ်းပြန့်ပွားရေး၊ မြေဆီလွှာထိန်သိမ်းရေး၊ ရေအရင်းအမြစ်ထိန်းသိမ်းရေး၊ ကျောင်း၏သဘာဝအလှကို ထိန်းသိမ်းရေးများအပြင် သဘာဝပတ်ဝန်းကျင်ကိုပါ မထိခိုက်စေရေးအတွက် နည်းလမ်းပေါင်းစုံစဉ်း စားပြီး ဆောင်ရွက်ထားခြင်းဖြစ်ပါသည်။

Wild to wise သဘာဝကျောင်းသည် သဘာဝအတိုင်းကစားရင်း ပညာသင်ကြားသော ကျောင်းဖြစ်သည်။ကစားခုံစားခြင်းသည် ရှာဖွေစူးစမ်းခြင်းနှင့် ရှာဖွေတွေ့ရှိခြင်းတို့၏ အခြေခံဖြစ်သည်။ကစားခြင်းသည် ခွန်အားကိုဖြစ်စေသည်၊ လူကိုစွမ်းဆောင်စေနိုင်သည်၊ စိတ်လှုပ်ရှားစေပါသည်။ ကစားခြင်းသည် ဖွံ့ဖြိုးတိုးတက်ရေးအတွက် သဘာဝကျသော သင်ယူမှုကို ဖြစ်စေပါသည်။ တစ်ဦးနှင့်တစ်ဦး ထိတွေဆက်ဆံမှုကို ဖြစ်စေပြီး မိမိတို့အကြောင်း ပတ်ဝန်းကျင် အကြောင်းကို ပိုမို၍သဘောပေါက် နားလည်စေနိုင်ပါသည်။ပျော်ရွှင်မှုကို ရရှိစေနိုင်သောကြောင့် အမြဲအတူကစားပြီးရင်းနှီးမှုကိုရစေပါသည်။

ယခုအခါတွင် မိဘအများစုသည် မိမိတို့၏ကလေးများကို သဘာဝနှင့် နီးနီးကပ်ကပ်နေ၍ ဘေးအန္တရယ်ကင်းစွာ ကစားစေလိုကြသည်။ မိဘများတောင့်တသော သဘာဝပတ်ဝန်းကျင်သည် လည်း မရပ်မနား ပျက်စီးနေသည်မှာ မျက်မြင်ပင်ဖြစ်သည်။ ထို့ကြောင့် သဘာဝကျောင်းလိုအပ်သည် မှာ ထင်ရှားနေပြီဖြစ်သည်။ သဘာဝကျောင်းသည် အခြားသမားရိုးကျကျောင်းများနှင့်မတူဘဲ သဘာဝရှုခင်းများကြားတွင် သဘာဝအတိုင်း ကစား၍ လေ့လာသင်ယူနိုင်ပြီး လုံခြုံဘေးကင်းပါသည်။ လူ့အဖွဲ့အစည်းအတွက် လိုအပ်ချက်များကိုလည်း ဖြည့်ဆည်းပေးနိုင်ပါသည်။

စစ်မှန်သော ဆက်ဆံရေးသည် ကျွနု်ပ်တို့ကျောင်း၏ အခြေခံအုတ်မြစ်ဖြစ်သည်။ အခြားသူများနှင့် ပတ်ဝန်းကျင်ကို စစ်မှန်သောစိတ်ထားဖြင့် ဆက်ဆံခြင်းသည် တစ်ကိုယ်ရည်တိုးတက်မှု၊ လူမှုဆက်ဆံရေးတိုးတက်မှုနှင့် စိတ်နေစိတ်ထားတိုးတက်မှုတို့အတွက် မရှိမဖြစ် လိုအပ်ပါသည်။ ကလေးများ လူမှုနယ်ပယ်တွင် ပေါင်းသင်းဆက်ဆံတတ်စေရန်၊ ကိုယ်ချင်းစာတရားထားတတ်စေရန် နှင့် ကိုယ်နေထိုင်ရာပတ်ဝန်းကျင်သည် ကိုယ်နှင့်ဆိုင်သည်ဟူသော စိတ်ထားမျိုးထားတတ်စေရန် ကျွနု်ပ်တို့က အားပေးကူညီထောက်ပံ့ပါမည်။